នៅទឹកដីកូរ៉េខាងត្បូង ផ្សារភាគហ៊ុន Kospiបានឡើងថ្លៃ ០,៣៧% ពោលគឺបានឡើងថ្លៃខ្ពស់ជាងផ្សារភាគហ៊ុនអូស្ត្រាលីដែលបានឡើងថ្លៃ ត្រឹម ០,១៩%។ យ៉ាងណាមិញ ភាគហ៊ុនរបស់ក្រុមហ៊ុនថាមពលធំៗបានធ្លាក់ថ្លៃអស់ ០,៤៨% ផ្ទុយពីភាគហ៊ុនរបស់ក្រុមហ៊ុនហិរញ្ញវត្ថុដែលបានឡើងថ្លៃ ០,១៣%។
នៅនូវែលហ្សេឡង់ ផ្សារភាគហ៊ុន NZX 50 បានធ្លាក់ចុះអស់ ១,២៧% បន្ទាប់ពីរដ្ឋាភិបាលបានបង្ហាញទិន្នន័យថា តម្លៃទំនិញនៅទូទាំងប្រទេសបានឡើងថ្លៃខ្ពស់ជាងការរំពឹងទុក។ យោងតាមទិន្នន័យពីរដ្ឋាភិបាលដដែល ថ្លៃទំនិញទូទៅបានឡើងថ្លៃ ០,២% នៅក្នុងត្រីមាសទី៣ ខណៈដែលកំណើនអតិផរណាប្រចាំត្រីមាសនេះមានចំនួន ០,២% បើប្រៀបធៀបទៅនឹងត្រីមាសមុនដែលមានត្រឹមតែ ០,៤%។
អតិផរណានេះបានជំរុញឲ្យប្រាក់ដុល្លារនូវែលហ្សេឡង់ត្រូវបាន ជួញដូរនៅក្នុងចន្លោះពី ០,៧១២៤ ដល់ ០,៧១៨៤ ដុល្លារ។ នៅលើ ទីផ្សាររូបិយប័ណ្ណទូទៅ ប្រាក់ដុល្លារមានសញ្ញាណល្អដែលត្រូវបានជួញដូរក្នុងខ្ទង់ ៩៧,៧១៩ បើប្រៀបធៀបទៅនឹងតម្លៃ ៩៨,១៧ នៅក្នុងទីផ្សារអាស៊ី។
ងាកទៅមើលផ្សារភាគហ៊ុនអាមេរិក Dow Jones បានធ្លាក់ថ្លៃអស់ ៥១,៩៨ ខ្ទង់ ឬ ស្មើនឹង ០,២៩% កាលពីថ្ងៃច័ន្ទម្សិលមិញ។ ចំណែកផ្សារភាគហ៊ុន S&p 500 បានធ្លាក់ថ្លៃអស់ ៦,៤៨ ខ្ទង់ ឬស្មើនឹង ០៣% ខណៈដែលផ្សារភាគហ៊ុន Nasdaqបានធ្លាក់ថ្លៃអស់ ១៤,៣៤ ខ្ទង់ ឬស្មើនឹង ០,២៧%៕
More information: Tel: 098 24 20 18
No comments:
Post a Comment