Cambodia Economics News

Monday, November 28, 2016

មាសហក់ឡើងវិញជិត ១ ២០០ ដុល្លារក្នុងមួយអោន

28-Nov-2016

មាសហាក់ឡើងថ្លៃខិតទៅរកតម្លៃ ១ ២០០ដុល្លារវិញនៅពេលបើកការជួញដូរក្នុងទីផ្សារអាស៊ីនៅព្រឹកនេះបន្ទាប់ពីបានធ្លាក់ថ្លៃយ៉ាងគំហុកកាលពីសប្តាហ៍មុនដោយសារតែមានស្ថានភាពប្រែប្រួលនៅក្នុងនយោបាយសេដ្ឋកិច្ចអាមេរិក។

តម្លៃរបស់វាបានត្រូវជួញដូរក្នុងតម្លៃ ១ ១៩៦,៩០ ដុល្លារក្នុងមួយអោន ពោលគឺបានឡើងថ្លៃចំនួន ១៦ ដុល្លារ ឬ ជាង១% ខ្ពស់ជាងតម្លៃបិទការជួញដូរកាលពីថ្ងៃសុក្រសប្តាហ៍មុននៅលើទីផ្សារជួញដូរ Comex ទីក្រុងញីវយ៉ក។ យ៉ាងណាមិញ តម្លៃនេះនៅតែធ្លាក់ថ្លៃអស់ ១០% ឬ ១៤០ ដុល្លារក្រោយជ័យជំនះរបស់លោក Donald Trump ប្រធានាធិបតីថ្មីរបស់អាមេរិកកាលពីដើមខែនេះ។
ហាងឆេងមាសបានធ្លាក់ចុះ នៅពេលដែលមានដំណឹងថា លោក Trump មានគោលនយោបាយថ្មី គ្រោងចាយប្រាក់ ៥០០ ពាន់លានដុល្លារលើកំណែទម្រង់វិស័យហេដ្ឋារចនាសម្ព័ន្ធរបស់ខ្លួន ដែលនឹងជំរុញឲ្យមានកំណើនចំណាយខ្ពស់ អាចបង្ខំឲ្យធនាគារកណ្តាលសម្រេចដំឡើងអត្រាការប្រាក់នៅខែក្រោយនេះ និងអាចជួយឲ្យប្រាក់ដុល្លារងើបឡើងវិញ។
គេនៅចាំបានថា កាលពីខែ សីហា ឆ្នាំ ២០១១ កន្លងទៅ តម្លៃមាសបានហក់ឡើងថ្លៃដល់កំណត់ត្រាមិនធ្លាប់មានមួយរហូតដល់ ១ ៩០០ ដុល្លារក្នុងមួយអោន។ ប៉ុន្តែបានធ្លាក់វិញមកដល់តម្លៃ ១ ៣៥៣ ដុល្លារជាងមួយឆ្នាំក្រោយមក ពោលគឺនៅខែធ្នូ ឆ្នាំ ២០១២ មុននឹងធ្លាក់ថ្លៃដល់តម្លៃបច្ចុប្បន្ន៕
ប្រភព៖ Bloomberg

https://askapgold.com/ib/index?ref=1352
For More Detail Contact: 098 24 20 18

Thursday, November 24, 2016

ផ្សារភាគហ៊ុនជប៉ុនឡើងថ្លៃខ្ពស់ជាងគេនៅថ្ងៃនេះ

25-Nov-2016

ការរំពឹងទុកមួយនៃការដំឡើងអត្រាការប្រាក់របស់ធនាគារកណ្តាលអាមេរិកបន្តជួយឲ្យទីផ្សារភាគហ៊ុនអាស៊ីកាន់តែរឹងមាំ ដែលក្នុងនោះផ្សារភាគហ៊ុនជប៉ុនឡើងថ្លៃខ្ពស់ជាងគេ។

នៅក្នុងរយៈពេល១១ថ្ងៃចុងក្រោយនេះ ផ្សារភាគហ៊ុនរបស់អំណាចនៅអាស៊ីខាងកើតមួយនេះបានសញ្ញាណវិជ្ជមានល្អ ខណៈដែលផ្សារភាគហ៊ុនអូស្ត្រាលី និង នូវែលហ្សេឡង់ បានឡើងថ្លៃដែរប្រចាំសប្តាហ៍ជាលើកដំបូងនៅក្នុងខែនេះ។
ព័ត៌មានផ្សារភាគហ៊ុនសំខាន់ៗថ្ងៃនេះរួមមាន៖
-ផ្សារភាគហ៊ុន MSCI Asia Pacific Index បានឡើងថ្លៃ ០,១% ធ្វើឲ្យសប្តាហ៍នេះវាបានឡើងថ្លៃបាន ០,៨%
-ផ្សារភាគហ៊ុនជប៉ុន Topix បានឡើងថ្លៃ ០,៦% ទៅកាន់ចំណុចឡើងថ្លៃខ្ពស់បំផុតមិនធ្លាប់ចាប់តាំងពីខែមករាមក
-ផ្សារភាគហ៊ុនកូរ៉េខាងត្បូង Kospi ជួបឧបសគ្គដោយបានធ្លាក់ថ្លៃអស់ ០,៥% នៅក្នុងសប្តាហ៍នេះ
-ភាគហ៊ុនរបស់ក្រុមហ៊ុនអចលនទ្រព្យ និង ក្រុមហ៊ុនផ្គត់ផ្គង់បានដឹកមុខឡើងថ្លៃនៅផ្សារភាគហ៊ុនអូស្ត្រាលី S&P/ASX 200 Index ដោយបានឡើងថ្លៃ ០,៣%
-ផ្សារភាគហ៊ុននូវែលហ្សេឡង់ S&P/NZX 50 Index ឡើងថ្លៃបាន ០,១%
-ផ្សារភាគហ៊ុនអាមេរិក S&P 500 Index ឡើងថ្លៃបាន ០,២% ពេលបិទបញ្ចប់ការជួញដូរកាលពីយប់មិញ៕
ប្រភព៖ Bloomberg

https://askapgold.com/ib/index?ref=1352
For More Detail Contact: 098 24 20 18

ព័ត៌មានរូបិយប័ណ្ណ ប្រេង និង មាសប្រចាំថ្ងៃនេះ

25-Nov-2016

លុយយ៉េនជប៉ុនកំពុងបន្តធ្លាក់ថ្លៃក្នុងថ្ងៃទី៤គិតត្រឹមថ្ងៃសុក្រចុងសប្តាហ៍នេះដោយបានខាតបង់អស់ ០៣% ត្រូវបានជួញដូរក្នុងតម្លៃ ១១៣,៦៩ យ៉េនក្នុងមួយដុល្លារ។ សរុបនៅសប្តាហ៍នេះ វាបានធ្លាក់ថ្លៃអស់ ២,៥% ដែលជាការធ្លាក់ថ្លៃប្រចាំសប្តាហ៍ជាលើកទី៣ និង មានស្ថានភាពអាក្រក់បំផុតនៅក្នុងចំណោមរូបិយប័ណ្ណផ្សេងៗទៀត។

ចំណែកប្រាក់វ៉ុនរបស់កូរ៉េខាងត្បូង លុយបាតរបស់ថៃ លុយរីងជីតរបស់ម៉ាឡេស៊ីនៅតែធ្លាក់ថ្លៃដដែល ខណៈដែលលុយយន់របស់ចិនបានស្ថិតនៅក្នុងជំហរជួញដូរទាបបំផុតគិតត្រឹមជិត៨ឆ្នាំមកនេះបន្ទាប់ពីធនាគារកណ្តាលរបស់ខ្លួនបានបញ្ចុះអត្រាការប្រាក់គោលដើម្បីកែទម្រង់លើរូបិយប័ណ្ណរបស់ខ្លួននៅក្នុងរយៈពេលចុងក្រោយនេះ។
ងាកទៅមើលតម្លៃមាសវិញ បានងើបឡើងបន្តិចវិញក្នុងចំនួន ០,១% ត្រូវបានជួញដូរនៅក្នុងតម្លៃ ១ ១៨២,១៦ ដុល្លារក្នុងមួយអោន ក្រោយធ្លាក់ថ្លៃបន្តបន្ទាប់គ្នាអស់រយៈពេល៣ថ្ងៃកន្លងទៅ។ ទោះជាយ៉ាងណាក៏ដោយ សម្រាប់សប្តាហ៍នេះ វាបានធ្លាក់ថ្លៃអស់ ២,១%។
ចំណែកតម្លៃប្រេងឆៅវិញ នៅលើទីផ្សារជួញដូរប្រេង West Texas Intermediate ត្រូវបានជួញដូរក្នុងតម្លៃ ៤៧,៩៣ ដុល្លារក្នុងមួយបារ៉ែល។
ដោយសារតែមានទិន្នន័យល្អឡើងវិញនៃសេដ្ឋកិច្ចអាមេរិក និង គម្រោងបង្កើនការចំណាយថវិកាជាតិរបស់ប្រធានាធិបតីទើបជាប់ឆ្នោតថ្មីរបស់អាមេរិកគឺលោក Donald Trump បានញាំងឲ្យធនាគារកណ្តាលអាមេរិកត្រៀមខ្លួនដំឡើងអត្រាការប្រាក់របស់ខ្លួននៅខែក្រោយនេះ។
គោលនយោបាយនេះនឹងផ្តល់សុទិដ្ឋិនិយមដល់ប្រាក់ដុល្លារ ផ្ទុយពីមាសដែលត្រូវបានគេមើលឃើញថា កំពុងបន្តធ្លាក់ថ្លៃជាប់ៗគ្នានៅខែនេះ បន្ទាប់ពីបានឡើងថ្លៃ១៤% ស្ទើរពេញមួយឆ្នាំ ២០១៦នេះ៕
ប្រភព៖ Bloomberg
កំពុងត្រូចការការងារមែនទេ ? ចុច លីងខាងក្រោមនេះ
https://askapgold.com/ib/index?ref=1352
For More Detail Contact: 098 24 20 18

Sunday, November 20, 2016

ផ្សារភាគហ៊ុនប្រែប្រួលយ៉ាងណាក្នុងថ្ងៃនេះ?

21-Nov-2016

ផ្សារភាគហ៊ុនអាស៊ីនៅក្រៅទឹកដីជប៉ុនបានធ្លាក់ថ្លៃ នៅថ្ងៃក្នុងនោះភាគហ៊ុនរបស់ក្រុមហ៊ុនលក់រាយ និង ក្រុមហ៊ុនរ៉ែសុទ្ធតែបានធ្លាក់ថ្លៃ នៅលើទឹកដីអូស្ត្រាលី និង កូរ៉េខាងត្បូង។

ផ្សារភាគហ៊ុន MSCI Asia Pacific បានធ្លាក់ថ្លៃអស់ ០,១% នៅម៉ោង ១០ ព្រឹកត្រូវនឹងម៉ោង ៨ ព្រឹកម៉ោងនៅកម្ពុជា ដែលជាការធ្លាក់ថ្លៃក្នុងថ្ងៃទីពីរ ខណៈផ្សារភាគហ៊ុនអូស្ត្រាលី S&P/ASX 200 Index បានធ្លាក់ថ្លៃខ្ពស់ជាងក្នុងចំនួន ០,៣% ។រីឯផ្សារភាគហ៊ុនកូរ៉េខាងត្បូង Kospi បានធ្លាក់ថ្លៃអស់ ០,៤% នៅទីក្រុងសេអ៊ូល ស្របពេលដែលផ្សារភាគហ៊ុននូវែលហ្សេឡង់ s S&P/NZX 50 Index បានធ្លាក់ថ្លៃទាបជាងក្នុងចំនួន ០,២%។
យ៉ាងណាមិញ ងាកទៅមើលផ្សារភាគហ៊ុនរបស់ជប៉ុន Topix បានឡើងថ្លៃដល់ទៅ ០,៧% ឆ្ពោះទៅ កាន់ដំណើរឡើងថ្លៃក្នុងរយៈពេលវែងមួយចាប់តាំងពីខែសីហាកាលពីឆ្នាំទៅមក ដែលក្នុងនោះភាគហ៊ុនរបស់ក្រុមហ៊ុនរ៉ែ និង ក្រុមហ៊ុនធានារ៉ាប់រង បានឡើងថ្លៃខ្ពស់ជាងគេ។
ផ្ទុយពីផ្សារភាគហ៊ុនជប៉ុន ផ្សារភាគហ៊ុនហុងកុង Hang Seng និងផ្សារភាគហ៊ុន Hang Seng China Enterprises បានធ្លាក់ថ្លៃអស់ ០,៣% កាលពីចុងសប្តាហ៍មុន ខណៈដែលផ្សារភាគហ៊ុនចិន FTSE China A50 Index បានធ្លាក់ថ្លៃ ក្នុងចំនួនដូចគ្នានេះ។ នៅអាមេរិក ផ្សារភាគហ៊ុន S&P 500 ក៏ធ្លាក់ថ្លៃដែរ៕
ប្រភព៖ Bloomberg 
កំពុងត្រូចការការងារមែនទេ ? ចុច លីងខាងក្រោមនេះ
https://askapgold.com/ib/index?ref=1352
For More Detail Contact: 098 24 20 18

តម្លៃប្រាក់ដុល្លារ និងប្រេងប្រែប្រួលតិចតួច ខណៈមាសបន្តធ្លាក់ថ្លៃ

21-Nov-2016

ការជួញដូរប្រាក់ដុល្លារ និង ប្រេងនៅលើទីផ្សារអន្តរជាតិត្រូវបានគេមើលឃើញថា ហាក់មានការប្រែប្រួលតិចតួចនៅថ្ងៃនេះ ខណៈដែលតម្លៃមាសកំពុងបន្តធ្លាក់ថ្លៃជិតមកតម្លៃ ១ ២០០ ដុល្លារក្នុងមួយអោន (០,៧៥ដម្លឹង)។

ប្រាក់ដុល្លារត្រូវបានជួញដូរក្នុងតម្លៃ ១០,៨៧ យ៉េនក្នុងមួយដុល្លារបន្ទាប់ពីបានធ្លាក់ថ្លៃអស់ ៤% កាលពីសប្តាហ៍មុន ដែលជាការធ្លាក់ថ្លៃដ៏អាក្រក់បំផុតមិនធ្លាប់មានគិតចាប់តាំងពីខែកក្កដាមក។ នេះបើយោងតាមសន្ទស្សន៍ជួញដូរប្រាក់ដុល្លាររបស់ Bloobmerg។
នៅក្នុងចំណោមរូបិយប័ណ្ណជួញដូរនានា គេសង្កេតឃើញថា រូបិយប័ណ្ណរបស់ប្រទេសអាហ្រ្វិកខាងត្បូងបានធ្លាក់ថ្លៃខ្ពស់ជាងគេរហូតដល់០,១%។ យ៉ាងណាមិញ ប្រាក់ដុល្លារហាក់មានសម្ពាធខ្លាំងចាប់តាំងពីលោក Donald Trump ត្រូវបានបោះឆ្នោតឲ្យក្លាយជាប្រធានាធិបតីនៅដើមខែវិច្ឆិកាមក។
ងាកទៅមើលទីផ្សារជួញដូរប្រេងនៅ West Texas Intermediate បានឡើងថ្លៃតិចតួចប៉ុណ្ណោះនៅក្នុងថ្ងៃទី២ ពោលគឺត្រូវបានជួញដូរក្នុងតម្លៃ ៤៦,១១ ដុល្លារក្នុងមួយបារ៉ែលនៅលើទីផ្សារក្រុងញីវយ៉ក និង ៤៧,៣០ ដុល្លារនៅលើទីផ្សារឡុងដុងរបស់អង់គ្លេស។
ជុំវិញកិច្ចព្រមព្រៀងកាត់បន្ថយការផលិតប្រេង លោក Putin ប្រធានាធិបតីរុស្ស៊ី ដែលបានព្រមព្រៀងជាមួយអង្គការ OPEC បានមានប្រសាសន៍កាលពីម្សិលមិញថា គ្មានឡើយឧបសគ្គបន្តទៅទៀតដែលកិច្ចព្រមព្រៀងនេះត្រូវបានពន្យារពេល។ ចំណែករដ្ឋមន្ត្រីប្រេងរបស់អ៊ីរ៉ង់លោក Bijan Namdar Zanganeh បានលើកឡើងផងដែរថា ការអនុវត្តកិច្ចព្រមព្រៀងនេះ នឹងមានក្តីសង្ឃឹមខ្ពស់ពីបណ្តាប្រទេសជាសមាជិក។
ងាកទៅមើលតម្លៃជួញដូរមាសវិញ គេសង្កេតឃើញថា មុខទំនិញមួយនេះកំពុងបន្តធ្លាក់ថ្លៃខិតជិតមករកតម្លៃ ១ ២០០ ដុល្លារក្នុងមួយអោន។ នៅថ្ងៃនេះ វាមានការប្រែប្រួលតិចតួចដែលត្រូវបានជួញដូរមកក្នុងតម្លៃ ១ ២០៨,៣៨ ដុល្លារក្នុងមួយអោន ក្រោយធ្លាក់ថ្លៃអស់ ១,៦% កាលពីសប្តាហ៍មុន។ ការឡើងថ្លៃ ប្រាក់ដុល្លារ គឺជាសញ្ញាណអាក្រក់មួយធ្វើឲ្យដុល្លារធ្លាក់ថ្លៃ៕
ប្រភព៖ Bloomberg

កំពុងត្រូចការការងារមែនទេ ? ចុច លីងខាងក្រោមនេះ
https://askapgold.com/ib/index?ref=1352
For More Detail Contact: 098 24 20 18

Friday, November 18, 2016

Song

For Intertainment Zone
Song: Perfect
Artist: One Direction

https://www.youtube.com/watch?v=RaT5j7QKeCY
កំពុងត្រូចការការងារមែនទេ ? ចុច លីងខាងក្រោមនេះ
https://askapgold.com/ib/index?ref=1352
For More Detail Contact: 098 24 20 18

មាសបន្តធ្លាក់ថ្លៃជិតដល់តម្លៃ ១ ២០០ ដុល្លារក្នុងមួយអោន

18-Nov-2016

មាសបានបន្តធ្លាក់ថ្លៃជិតដល់តម្លៃ ១ ២០០ ដុល្លារក្នុងមួយអោនគិតត្រឹមថ្ងៃសុក្រសប្តាហ៍នេះ ក្រោយមានសញ្ញាណល្អពីសេដ្ឋកិច្ចអាមេរិក និង ក្រោយមានការប្រកាសរបស់លោកស្រី Yellen ប្រមុខធនាគារកណ្តាលអាមេរិកថា ការដំឡើងអត្រាការប្រាក់អាចធ្វើឡើងនៅខែក្រោយនេះ។

ការបោះឆ្នោតជ្រើសរើសប្រធានាធិបតីថ្មីរបស់មហាអំណាចខាងលើកាលពីដើមខែកន្លងទៅ ត្រូវបានគេមើលឃើញថា ហាក់មិនមានអ្វីជះឥទ្ធិពលខ្លាំងធ្វើឲ្យធនាគារកណ្តាលអាមេរិកទម្លាក់ចោលគម្រោងរបស់ខ្លួនក្នុងការដំឡើងអត្រាការប្រាក់នៅខែធ្នូខាងមុខនោះឡើយ។
ការជួញដូរមាសបានធ្លាក់ថ្លៃអស់ ០,៨% ត្រូវបានជួញដូរក្នុងតម្លៃ ១ ២១៥,៥០ ដុល្លារក្នុងមួយអោន បន្ទាប់ពីធ្លាក់ថ្លៃដល់កម្រិតតម្លៃទាបបំផុត ១ ២១០,៧៣ ដុល្លារកាលពីថ្ងៃទី ៣ ខែមិថុនា។ នៅទីផ្សារអាមេរិក ការជួញដូរមាសបានធ្លាក់ថ្លៃ ០,៦% ត្រូវបានជួញដូរក្នុងតម្លៃ ១ ២១៦,៩០ ដុល្លារក្នុងមួយអោន។

ការធ្លាក់ថ្លៃនេះក៏ដោយសារតែប្រាក់ដុល្លារកំពុងឡើងថ្លៃ នៅមុនពេលមានការដំឡើងអត្រាការប្រាក់ចូលមកដល់ ដែលនេះបានដាក់សម្ពាធខ្លាំងលើតម្លៃមាស៕
ប្រភព៖ CNBC

កំពុងត្រូចការការងារមែនទេ ? ចុច លីងខាងក្រោមនេះ
https://askapgold.com/ib/index?ref=1352
For More Detail Contact: 098 24 20 18

Monday, November 28, 2016

មាស​ហក់​ឡើង​វិញ​ជិត ១ ២០០ ដុល្លារ​ក្នុង​មួយ​អោន

Thursday, November 24, 2016

ផ្សារភាគហ៊ុន​ជប៉ុន​ឡើង​ថ្លៃ​ខ្ពស់​ជាងគេ​នៅ​ថ្ងៃ​នេះ

ព័ត៌មាន​រូបិយប័ណ្ណ ប្រេង និង មាស​ប្រចាំ​ថ្ងៃ​នេះ